لقاء مع متسابقات جائزة #نوال_مصطفى لرائدات الأعمال

المتسابقة: منى نوارة

المحافظة: #دمياط

اسم المشروع: Minimal

عرفينا بنفسك؟

أنا منى نوارة 31 سنة بشتغل معيدة بكلية الفنون التطبيقية بجامعة دمياط، مهتمة بالفنون والتصميم والديكور.

إزاي جت لك فكرة مشروعك؟

لاحظت أن معظم مكملات الديكور والأثاث عندنا مستوردة أو تكلفتها عالية أو شعبية منتشرة بسعر منخفض، بالإضافة أنها تصميمات لا تعبر عن هويتنا المصرية أو العربية والمتاح منها يكون أما آيات قرآنية أو زخارف إسلامية معتادة وفي كل الحالات هي منتجات غير مميزة.

ومن هنا فكرت إنى أصمم وأنتج مكملات أثاث بتحقق شكل جمالي وقيمة وظيفية في نفس الوقت، وده من خلال دمج أكتر من استخدام داخل القطعة زي الإضاءة أو أنها تتحول لكرسي أو طاولة صغيرة قابلة للطي أو غيرها من الاستخدامات، وبكده تكون قطعة فنية متعددة الاستخدام وتوفر فى المساحة والتكلفة وتوفر على العميل شراء أكثر من منتج بتكلفة عالية.

إيه هي الإضافة اللي في المنتج بتاعك اللي بتخليه متميز ومنافس؟

التصميم مستوحى من الخط العربي والزخارف الإسلامية بشكل معاصر وصياغات مختلفة عن الشكل التقليدي بحيث تكون القطعة مميزة وفريدة ، اسم مشروعي"Minimal" وهو من الاتجاه التصميمي "Minimalism" واللى اساسه هو البساطة والاختزال والبعد عن المبالغة و التكلف، و مقولته الشهيرة " less is more" أي أنه كلما كان أقل وأبسط كلما كان أكثر قيمة وأكثر جمالا، المشروع يتضمن أعمال جدارية وقطع أثاث صغيرة وأعمال تجهيز في الفراغ وتختلف في أحجامها وتقنياتها ومعظمها من الخشب وده بفضل وجودى بدمياط اللى وفرلى خامة وعمالة بكفاءة عالية